🚷 कोरेगाव भीमामध्ये ४ दिवस जमावबंदी, कलम १४४ लागू; जिल्हाधिकाऱ्यांचे आदेश

संध्या वैद्य

🚨 पुणे जिल्ह्यातील कोरेगाव भीमा येथे विजय स्तंभाच्या ठिकाणी ४ दिवसांसाठी जमावबंदीचे आदेश देण्यात आले आहेत. जमावबंदीचे कलम १४४ लागू करण्यात आले आहे.

🧐 या तारखेपर्यंत जमावबंदी लागू : १६ गावांमध्ये ३० डिसेंबर ते २ जानेवारी २०२१ पर्यंत सलग ४ दिवस नागरिकांना प्रवेश बंदी करण्यात आल्याचे आदेश जिल्हाधिकारी राजेश देशमुख यांनी काढले आहेत.

🛣️ या १६ गावांत जमावबंदी : भीमा कोरेगाव, लोणीकंद, पेरणे, तुळापूर, बकोरी, वढू खुर्द, केसनंद, कोलवडी, डोंगरगाव, फुलगाव, सणसवाडी, वढू बुद्रुक, पिंपळे जगताप, वाजेवाडी, आपटी, वाडेगाव

🚘 पुणे – नगर वाहतूक बंदीचे आदेश : 1 जानेवारी रोजी पुणे – नगर महामार्ग बंद राहणार आहे. या मार्गावरील वाहतूक 31 डिसेंबर 2020 रोजी सायंकाळी पाचपासून ते एक जानेवारी 2021 रोजी रात्री 12 वाजेपर्यंत पर्यायी मार्गाने वळवण्यात येणार आहे, असे जिल्हाधिकारी डॉ.राजेश देशमुख यांनी स्पष्ट केले आहे.

🎤 एल्गार परिषदेला परवानगी नाही : कोरेगाव भीमा येथील शौर्यदिनाच्या पार्श्वभूमीवर 31 डिसेंबर रोजी करण्यात आलेल्या एल्गार परिषदेच्या कार्यक्रमाला पुणे पोलिसांनी परवानगी नाकारली आहे. मात्र पोलिसांनी परवानगी नाकारल्याने आता आयोजक काय भूमिका घेतात, हे पाहावे लागेल.

🎥 दिवसभर प्रक्षेपण : डॉ. बाबासाहेब आंबेडकर यांच्या महापरिनिर्वाण दिनाप्रमाणे भीमा कोरेगाव येथील विजयस्तंभाच्या कार्यक्रमाचे प्रसारण १ जानेवारीला दिवसभर दूरदर्शन आणि समाज माध्यमांवर केले जाणार आहे.

🙏 त्यामुळे नागरिकांनी घरातूनच अभिवादन करावे असे आवाहन प्रशासनाकडून करण्यात आले आहे.

संध्या वैद्य/नागपूर