🗳️ ग्रामपंचायत निवडणूक: आज मतदान, 18 जानेवारीला मतमोजणी

🧐 राज्यात महाविकास आघाडीचे सरकार सत्तेत आल्यापासून ग्रामीण भागातील ही पहिलीच मोठी निवडणूक असल्याने या निवडणुकीचा कौल सत्ताधाऱ्यांसाठी महत्त्वाचा असेल.

💁🏻‍♂️ राज्यातील 14,234 ग्रामपंचायतींसाठी आज, शुक्रवारी मतदान होत असून, मतमोजणी सोमवारी होणार आहे. ग्रामपंचायतींवर वर्चस्व प्रस्थापित करण्यासाठी सर्वच राजकीय पक्ष व नेत्यांनी सर्व ताकद पणाला लावली आहे.

👉 आकडेवारी-

▪️ 14,234 ग्रामपंचायती

▪️ 46,923 प्रभाग

▪️ 1,24,810 जागा

▪️ 2,50,000 हून अधिक उमेदवार

✊ राजकीय पाया भक्कम करण्यासाठी सर्वच राजकीय नेते आपापल्या भागांमधील निवडणुकांमध्ये लक्ष घालतात. खासदारकी आणि आमदारकीसाठी जास्तीत जास्त ग्रामपंचायती ताब्यात असणे राजकीय नेत्यांसाठी आवश्यक असते.

✌️ ज्येष्ठ समाजसेवक अण्णा हजारे यांच्या राळेगणसिद्धी, पोपट पवार यांच्या हिवरे बाजारसह काही गावांमध्ये निवडणुका वर्षांनुवर्षे बिनविरोध होत आल्या आहेत.

👤 स्थलांतरित मतदारांसाठी पायघड्या- कोरोना काळात ज्या गावपुढाऱ्यांनी बाहेरगावी राहणाऱ्या ग्रामस्थांना गावात प्रवेश नाकारला, त्याच पुढाऱ्यांवर ग्रामपंचायत निवडणुकीसाठी बाहेरगावी राहणाऱ्या मतदारांपुढे पायघडय़ा घालण्याची वेळ आली आहे. परगावी राहणाऱ्या मतदारांनी मतदानासाठी यावे म्हणून मोटारींचीही सोय केली जात आहे.
➖➖➖➖➖➖

विक्की नगराळे
तालुका व चंद्रपुर
शहर प्रतिनिधी
चंद्रपुर