जिल्ह्याच्या विकासासाठी कटिबद्ध, विकास निधी कमी पडू देणार नाही – पालकमंत्री शंभूराज देसाई

सातारा, दि. ८ – पालकमंत्री म्हणून काम करत असताना जिल्ह्याच्या त्यातही पाटण तालुक्याच्या विकासासाठी कटिबद्ध आहे. विकासकामांसाठी निधीची कमतरता पडू दिली जाणार नाही, असे प्रतिपादन पालकमंत्री शंभूराज देसाई यांनी केले. पाटण तालुक्यातील विविध विकास कामांचे भूमिपूजन पालकमंत्री श्री. देसाई यांच्या हस्ते झाले. त्यावेळी ते बोलत होते.

विकास कामांमध्ये तालुका नेहमीच अग्रेसर राहील यासाठी प्रयत्नशील असल्याचे सांगून पालकमंत्री श्री. देसाई म्हणाले, तालुक्यातच नाही तर जिल्ह्यात मोठ्या प्रमाणावर विकासकामे होत आहेत. या विकासकामांच्या माध्यमातून जिल्हा तसेच पाटण तालुक्याचा एक आदर्श निर्माण करण्याचा प्रयत्न राहील. ग्रामीण भागात विविध सुविधांची निर्मिती होत असल्याचे ते म्हणाले.

पालकमंत्री श्री. देसाई महणाले की, आज राज्याला एका सामान्य शेतकरी कुटुंबातील व्यक्ती मुख्यमंत्री म्हणून लाभली आहे. मुख्यमंत्री एकनाथ शिंदे हे रोज १८ तास काम करत आहेत. त्यांना सामान्यांच्या प्रश्नांची माहिती आहे. तसेच डोंगरी भागातील प्रश्न ही त्यांना चांगले माहिती आहेत. डोंगरी भागाच्या विकासासाठी भरघोस निधी नक्कीच देण्यात येईल. पाटण शहराचा पाणी प्रश्न एका वर्षात सोडवण्यात येईल असे आश्वासनही पालकमंत्री श्री. देसाई यांनी दिले.

पालकमंत्री श्री. देसाई यांच्या हस्ते विविध विकास कामांचे भूमिपूजन झाले. त्यामध्ये ९५.०० लक्ष रुपयांचा मोरगिरी – नाडे ढेबेवाडी रस्ता ते आंब्रुळे. चेापडी येथे  बेलवडे फाटा ते बनमागे चेापडी रस्ता सुधारणा करणे,  ९५ लक्ष.  त्रिपुडी ते कवरवाडी रुंदीकरण व सुधारणा करणे.  ४ कोटी. कवरवादी ते चेवलेवडी रस्ता अडीच कोटी. पाटण शहर पाटण नगरपंचायतीमध्ये नगरविकास विभागांतर्गत मंजूर विविध विकास कामांचे भूमिपूजन यांचा समावेश आहे.
00000