एसबीसी अन्याय निवारण कृती समिती महाराष्ट्र. पुणे विद्यापीठात एम.एससी. प्रवेशासाठी एसबीसी आरक्षण मिळणेबाबत नाम.वडेट्टीवार यांना निवेदन सादर

गडचिरोली दि.२९- पुणे विद्यापीठात एम.एससी. अभ्यासक्रमाच्या प्रवेशासाठी एसबीसी ला २% स्वतंत्र आरक्षण द्यावे अशी मागणी एसबीसी अन्याय निवारण कृती समितीतर्फे राज्याचे बहुजन कल्याण मंत्री नाम. विजयभाऊ वडेट्टीवार यांचेकडे एका निवेदनाव्दारे करण्यात आली. गडचिरोली येथिल अंकुश किशोर लिंगलवार या एसबीसी (पद्मशाली ) विद्यार्थ्यांने मागील वर्षी बी.एससी.पदवी घेतली असून शैक्षणिक वर्ष २०२०-२१ करिता पुणे विद्यापीठात एम.एससी. भौतिकशास्त्र या विषयात प्रवेश घेण्यासाठी आॕनलाईन अर्ज सादर केला होता. आॕनलाईन अर्जामध्ये एसबीसी चे कॉलम होते परंतु निवड यादीत एसबीसी प्रवर्गातील विद्यार्थ्यांना प्रवेश देण्यात आला नाही. याबाबत नाम. विजयभाऊ वडेट्टीवार यांचेसोबत चर्चा करण्यात आली व एसबीसी च्या विद्यार्थ्याला न्याय देण्याची मागणी करण्यात आली.

गडचिरोली
जिल्हा प्रतिनिधी
प्रा शेषराव येलेकर