मोदीजींनी सामान्य जनतेची पिळवणूक केली: मोहन पंचभाई ● केंद्र सरकार सगळ्या आघाड्यांवर अपयशी ● जिल्हा कॉंग्रेस कमिटीच्या वतीने काळे झेंडे दाखवून निदर्शने व आंदोलन ● सात वर्षात नाही केला विकास, मोदींनी केला देश भकास…

भंडारा:- विभागीय प्रतिनिधी चक्रधर मेश्राम दि. 30 मे 2021
रविवार, दिनांक ३० मे, २०२१ रोजी केंद्रातील मोदी शासनास ७ वर्षे पूर्ण होत आहेत. मोदी सरकारच्या सात वर्षाच्या कार्यकाळात देशात काळोखच पसरला आहे. देशाची ढासळती अर्थव्यवस्था, कोरोना साथ रोगामध्ये नियोजनातील अपयश, दररोज पेट्रोल व डिझेलची भाववाढ, नोटबंदी व जीएसटीसारखे अपयशी निर्णय, देशातील वाढती बेरोजगारी, शेतकऱ्यांविरोधात काळे कायदे इत्यादी पातळींवर केंद्रातील मोदी सरकार अपयशी झाले आहे.मा. प्रांताध्यक्ष श्री. नानाभाऊ पटोले यांच्या सूचनेवरुन राज्यातील जनतेला या परिस्थितीची जाणीव करुन देण्यासाठी रविवार, दिनांक ३० मे, २०२१ रोजी भंडारा जिल्हा कॉंग्रेस कमिटीच्या वितीने अध्यक्ष मोहन पंचभाई यांच्या नेतृत्वात भंडारा येथे केंद्रातील मोदी सरकारचा निषेध करण्यासाठी काळे झेंडे दाखवत आंदोलने करण्यात आली. या आंदोलनप्रसंगी मोहन पंचभाई म्हणाले कि या मोदी सरकारने कोविड साथ रोगाच्या नियंत्रणात गाफीलपणा आणला, कोरोनाच्या दुसऱ्या लाटेला रोखण्यात अपयश आले, लसीकरणात सुद्धा केंद्र सरकार द्वारे अपयश आले. पेट्रोल व डिझेलचे वाढते भाव वाढविले आणि महागाई वाढविली. या सरकारनी सात वर्षात देशाला ढासळती अर्थव्यवस्थे कडे नेले, नोटबंदी आणि जीएसटीमुळे देशाची दुर्दशा केली संपूर्ण देशातील बेरोजगारी वाढविली शेतकरी विरोधी काळे कायदे लागू केले व आंतरराष्ट्रीय पातळीवर देशाची नामुष्की केली फक्त आपल्या दोन उद्योगपती मित्रांसाठी देश विकायला काढला. रेल्वे, विमानतळ, बंदरे, बीएसएनएल, पेट्रोलियम कंपन्या, बँका अशा सरकारी आस्थापना विकायला काढले जी जनतेची संपत्ती आहे.अशाप्रकारे या सात वर्षाच्या काळात मोदी सरकारने सामान्य जनतेची पिळवणूक केली.यांचा निषेध म्हणून आज काळे झंडे दाखवून निदर्शने करण्यात आली .या प्रसंगी मोहन पंचभाई अध्यक्ष भंडारा जिल्हा कॉंग्रेस कमिटी, प्रेमसागर गणवीर माजी जिल्हा अध्यक्ष, डॉ.विनोद भोयर प्रदेश सचिव इंटक, मनोज बागडे माजी संचालक अर्बन बँक, धनराज साठवणे अध्यक्ष जिल्हा इंटक, जयश्री बोरकर अध्यक्ष जिल्हा महिला कॉंग्रेस, अवैस पटेल अध्यक्ष जिल्हा अल्पसंख्यांक, मार्कंड भेंडारकर अध्यक्ष असंघटीत कामगार सेल, प्यारेलाल वाघमारे भंडारा तालुका अध्यक्ष, प्रशांत देशकर भंडारा शहर अध्यक्ष, राजेश हटवार मोहाडी तालुका अध्यक्ष, राजू निर्वाण लाखनी तालुका अध्यक्ष, गजानन झंझाड, अजय गडकरी, अनिक जमा पटेल, सोहेल अहमद, दिलीप निखाडे, गणेश लिमजे अध्यक्ष सांस्कृतिक विभाग, महेंद्र वाहणे महासचिव जिल्हा इंटक, विनीत देशपांडे अध्यक्ष भंडारा शहर अनु.जाती विभाग, लखन चौरे अध्यक्ष तालुका इंटक, शालिक भुरे, जीवन भजनकर, संजय वरगणटीवार, संजय बांते,भाऊ कातोरे, अनिल बावनकुळे लाखनी, निखील तिजारे तालुका सोशल मिडिया, देवा इलमे, स्वाती बोंबले, सौ.सारिका नागदेवे, सौ.कुमुद हटवार, स्नेह भोवते अध्यक्ष इंटक, संध्या धांडे अध्यक्ष इंटक लाखनी आदी कॉंग्रेसचे पदाधिकारी व कार्यकर्ते उपस्थित होते.